Kurmanji (Badini) translation

زانیاری بۆ په‌ناخوازان د ده‌ربارێ پرۆسه‌یێن په‌نابه‌ریێ یێن د ڕه‌وشا شه‌ری دا، ڕه‌وشه‌که‌ ئاوارته‌ یان رێژیمه‌کی ڕێڤه‌به‌ریا کاره‌ساتێ دا

ته‌ داخوازا په‌نابه‌ریێ ل لیتڤانیایێ کریه‌، ب ئیدایا کو تو نەشێی ڤه‌گه‌ری وه‌لاتێ خو‌ ژ به‌ر مه‌ترسیا چه‌وساندن، شه‌ر و توندیێ. ژ گاڤا کو تو سه‌رلێدانا په‌نابه‌ریێ دکەی، تو وه‌کی په‌ناخواز تێیە هه‌ژمارتن. په‌نابه‌ر بوون هندەک مافان دده‌ ته‌ و ته‌ مه‌جبوور دکه‌ کو تو ب پێویستییێن کو د ده‌ستوورا بنگه‌هی یا کۆمارا لیتڤانیایێ و قانوونێن دی دا هاتنه‌ ده‌ستنیشانکرن جێبەجێ بکەی. لیتڤانیا نهو د ڕه‌وشه‌که‌ ئاوارته‌ دا‌ یه‌ ژ به‌ر زێده‌بوونا به‌ربچاڤ د هه‌ژمارا په‌نابه‌ران دا، ژ به‌ر ڤێ یه‌کێ ئه‌ڤ ڕێنیشانده‌ر ل سه‌ر پرۆسه‌یێن په‌نابه‌ریێ د ده‌مێ ڕه‌وشا شه‌ر، ڕه‌وشه‌که‌ ئاوارته‌ یان ڕه‌ژیمه‌کا‌ ڕێڤه‌به‌ریا کاره‌ساتێ دا ئاگاهدارییێن گرینگ دده‌ هەوه‌.

خالا گرینگ: ئاگاهیێن کو د ڤێ پرتووکۆکێ دا هاتنە دییارکرن ل گۆری قانوونێن ده‌رباسدار ئێن نهو هاتنه‌ ئاماده‌کرن. دبیت‌ کو قانوون و ڕێزکنامه‌ پاشی بێهێنە گوهه‌رین یان زێده‌کرن. ئه‌گه‌ر پرسێن هەوه‌ هه‌بن، ژ ئه‌ندامه‌کی کارمه‌ندێ دائیره‌یا کۆچبەرییێ یان ژی پارێزه‌ره‌کی بپرسن، کو ئه‌و دێ بکارن پتر ئاگاهداریان ل سه‌ر پرۆسه‌یا په‌نابه‌ریێ و ماف و ئه‌رکێن هەوه‌ بدن هەوه.

ئه‌ز دێشێم ل کیڤە و چاوا داوای په‌نابه‌ریێ بکم؟

د ڕه‌وشا شه‌ری، ڕه‌وشا ئاوارته‌ یان ڕهژیما ڕێڤه‌به‌ریا کاره‌ساتێ دا‌، هوون دێشێن داوای په‌نابه‌ریێ بکن:

                      ١- ل نوقته‌یێن کۆنترۆلێ یێن سینۆری یان هه‌رێمێن ده‌رباسبوونێ - ژ خزمه‌تگووزاری یا پاراستنا سینۆری یا ده‌وله‌تێ؛    

                      ٢- ل ئاخا کۆمارا لیتڤانیایێ، ئه‌گه‌ر هوون ب قانوونی که‌تنه‌ کۆمارا لیتڤانیایێ - ل دائیره‌یا کۆچبەرییێ؛

                      ٣- ل وه‌لاته‌کی بیانی - ل سازییێن میسیۆنێن دیپلۆماتیک یان نڤیسینگه‌هێن کۆنسولخانه‌یێ یێن کۆمارا لیتڤانیایێ (نهو، هوون دکارن تنێ ل بالیۆزخانه‌یا کۆمارا لیتڤانیایێ ل به‌لاروسێ داوای په‌نابه‌ریێ ل کۆمارا لیتڤانیایێ بکەن).

ئه‌گه‌ر هوون ل گۆر شه‌رت و مه‌رجێن کو ل ژۆر هاتنه‌ ده‌ستنیشانکرن داوای په‌نابه‌ریێ نه‌کەن، دێ داواکارییا وه‌ یا په‌نابه‌ریێ ل گۆر قانوونێن گونجایی ناهێتە په‌ژراندن، لێ پرۆسه‌یا داواکارییا په‌نابه‌ریێ دێ بو هەوە بێهێتە شیرۆڤه‌کرن.

ئه‌گه‌ر وه‌ ب قاچاخی سینۆر ده‌رباس کربیت، خزمه‌تگووزارییا پاراستنا سینۆر یا ده‌وله‌تێ دێ بریارێ دەت‌ کا سه‌رلێدانا وه‌ یا په‌نابه‌ریێ قه‌بوول بکەت یان نە، ل گۆر ڕه‌وشێن تایبه‌ت یێن ئالیکارییێ ئان ڕه‌وشێن دی یێن که‌سانه‌.

فۆرما سه‌ریلێدانا په‌نابه‌ریێ بێ بەرامبەرە و دڤێت سه‌ریلێدان ب ده‌ستێ که‌سی بێهێتە‌ شاندن، یان ژی ئه‌ندامه‌کی مالباتێ یێ مه‌زن دکاریت ل سه‌ر ناڤێ ئه‌ندامه‌کی پچووک یێ مالباتێ سه‌رلێدانێ بکه‌ت. سه‌رلێدانا وه‌ یا په‌نابه‌ریێ چێدبیت ب ده‌ڤکی یان ب نڤیسین بێهێتە کرن، لێ گرینگە کو سه‌ده‌مێن سه‌ره‌که‌ یێن سه‌رلێدانا په‌نابه‌ریێ و زانیارییێن خو یێن ڕاست دیار بکەن: ناڤ و ده‌مێ ژدایکبوونێ، و هه‌ر به‌لگه‌یه‌ک کو وه‌ هه‌بیت.

کی ژ لێکۆلینا سه‌رلێدانا وه‌ یا په‌نابه‌ریێ به‌رپرسیار ئه‌؟

سه‌رلێدانا ژ بۆ په‌نابه‌ریێ ل لیتڤانیایێ ناهێتە ڤێ واته‌یێ کو گه‌ره‌کە سه‌رلێدانا وه‌ یا په‌نابه‌ریێ دێ ل لیتڤانیایێ بێهێتە شۆپاندن. ئه‌گه‌ر ئه‌ندامێن مالباتا وه‌ - هه‌ڤژینا وه‌، زارۆکێن وه‌ یێن پچووک، هه‌که‌ هوون پچووک ئن، دایک و بابێ وه‌ - ل وه‌لاته‌کی دی یێ یه‌کیتیا ئه‌ورۆپایێ بژین، یان هه‌که‌ هوون ژ وه‌لاته‌کێ دی یێ یه‌کیتیا ئه‌ورۆپایێ هاتنه‌ لیتڤانیایێ کو وه‌ سه‌رلێدانا په‌نابه‌ریێ لێ کریه‌، یان هه‌که‌ وه‌ هه‌بیت، ڤیزه‌ یان ده‌ستوورا نشتەجیبونێی کو ژ هێلا وی وه‌لاتی ڤه‌ هاتیه‌ دان، ئه‌و وه‌لاتە دبیت‌ کو ژ لێکۆلینا سه‌رلێدانا وه‌ یا په‌نابه‌ریێ به‌رپرسیار بیت‌. د ڤێ ڕه‌وشێ دا، دائیره‌یا کۆچبەرییێ دکاریت‌ بریارێ بده‌ت کو سه‌رلێدانا وه‌ یا په‌نابه‌ریێ لێکۆلین نه‌که‌ت و سه‌رلێدانا وه‌ ڤه‌گوهه‌زتە وه‌لاته‌کی دی یێ یه‌کیتیا ئه‌ورۆپایێ، کو دێ به‌رپرسیارێ لێکۆلینا سه‌رلێدانا وه‌ یا په‌نابه‌ریێ بیت. گرینگە کو هوون هه‌می ئاگاهداریێن ل سه‌ر ئه‌ندامێن مالباتێ یێن کو ل وه‌لاتێن دی ئێن یه‌کیتیا ئه‌ورۆپی دژین ب زووترین ده‌م بدەن، دا کو پرۆسه‌یا ده‌ستنیشانکرنا وه‌لاتێ به‌رپرسیار بێهێتە قه‌داندن به‌ری کو بریارا یه‌که‌م ل سه‌ر سه‌رلێدانا وه‌ یا په‌نابه‌ریێ بێهێتە دان.

ئه‌گه‌ر ئه‌ندامێن مالباتا وه‌ ل وه‌لاته‌کی دی ییێ یه‌کیتیا ئه‌ورۆپا دژین، دڤێت ڕازیبوونا نڤیسکی بۆ لهه‌ڤهاتنا مالباتێ د ناڤبه‌را وه‌ و ئه‌ندامێن مالباتا وه‌ دا بو دائیره‌یا کۆچبەرییێ بهێتە هنارتن دا کو به‌رپرسیاریا لێکۆلینا سه‌رلێدانا وه‌ یا بۆ په‌نابه‌ریێ ل وه‌لاتێ یه‌کیتیا ئه‌ورۆپایێ دیار بکه‌ت.

ئه‌گه‌ر بریارا سه‌رلێدانا وه‌ یا په‌نابه‌ریێ ل لیتوانیا هێشتا نەهاتبیتە دان، دائیره‌یا کۆچبەرییێ دێ سه‌رلێدانا وه‌ یا په‌نابه‌ریێ لێکۆلین بکه‌ت.

ئه‌ز کەنگی و چاوا دێشێم سه‌ده‌مێن خو یێن سه‌رلێدانا په‌نابه‌ریێ ل لیتڤانیایێ ڕاڤه‌ بکەم؟

ده‌ما کو هوون سه‌رلێدانا په‌نابه‌ریێ دکەن، پسپۆره‌ک یان ئه‌فسه‌ره‌ک دێ هه‌ڤپه‌یڤینه‌که‌ ده‌ستپێکێ بکه ت‌، به‌لگه‌یێن کو وه‌ هه‌نه‌ به‌رهه‌ڤ بکه‌ت، وێنه‌ و شوون تلیێن وه‌ بگریت‌. ئارمانجا ڤێ هه‌ڤپه‌یڤینێ کۆمکرنا پێزانینان ل سه‌ر وه‌ و ئه‌ندامێن مالباتا وه‌ یه‌ کو د گەل وە هاتنه‌، ڕێیا هاتنا وه‌، دانه‌یێن پێویست  بۆ ده‌ستنیشانکرنا کیژان وه‌لات ژ لێکۆلینا سه‌رلێدانا وه‌ یا په‌نابه‌ریێ و سه‌ده‌مێن وه‌ یێن سه‌رلێدانا په‌نابه‌ریێ به‌رپرسیار ە.

به‌ری کو بریارا په‌نابه‌ریێ وه‌ بێهێتە دان، پسپۆره‌ک ژ دائیره‌یا کۆچێبەرییێ هه‌ڤپه‌یڤینه‌که‌ سەرەکی دێ پێک ئینیت‌ دا کو ده‌رفه‌تێ بده‌ تە وه‌ کو هوون ب وردیی شرۆڤه‌ بکن کا بوچی وه‌ سه‌رلێدانا په‌نابه‌ریێ کرییە‌، و به‌لگه‌یێن کو پشته‌وانییا سه‌ده‌مێن وه‌ دکه ت‌ پێشکێش بکەن یێن کو وه‌ به‌رێ نه‌دانه‌. هه‌ڤپه‌یڤین نه‌هێنی نه‌ و ئپێزانین دێ بو ڕایا گشتی ‌ ناهێنە ئه‌شکه‌ره‌ کرن یان بو ڕایه‌دارێن وه‌لاتێ وه‌ ناهێنە شاندن. دائیره‌یا کۆچبەرییێ و ڕایه‌دارێن دی ئێن گشتی، پارێزه‌ر و وه‌رگێر کو د پێڤاژۆیا په‌نابه‌ریێ دا‌ ئمادە دبن ، مه‌جبوور ن کو پێزانینێن د فایلا په‌نابه‌ریێ دا ئه‌شکه‌ره‌ نه‌کن. هه‌می پێزانین کو هوون ددن، بۆ پسپۆرێ کو سه‌رلێدانا وه‌ یا په‌نابه‌ریێ دکەت پێویستەکو ڕه‌وشێن پەیوەندیدار ده‌ستنیشان بکه‌ت و بریارێ بده‌ت کا سەدەمێن داخوازا وه‌ یا په‌نابه‌ریێ ل گۆر ڕێنمایێن په‌نابه‌ریێ د گونجن یان نە. د دەما هەڤپەیڤینێ دا:

١-بێژن کا ل وەلاتێ وە دا هین رووبروو ب چ مەترسییان بون و ژ بەر چ هین دێ تووشی کریارێن خراب ببن

٢-د گەل کارمەندێن داواکارییا پەنابەرییێ هاریکاربن و هەمی تشتان ئاشکرە بکەن. دایرا کؤچبەرییێ دێشێت بریارەکا ماقول و یاسایی بدەت هەگەر هین ب دل نزمی هەول بدەن دا کو داوای پەنابەرییا خو پشت راست بکەن

٣-ژ کەرەما خو هەمی بەلگە و دەلیلێن د گەل فۆرما ەلەکترونیکی پێشکێش بکەن دا کو زوترین دەم داواکارییا خو پشت راست بکەن. هەگەر هین نەشێن بەلگەیێن خو پێشکێش بکەن، دایرا کۆچبەرییێ دێ پێزانینێن هەوە یێن هەوە دای نرخینیت و دبیت بریارا نەدانا مافێ پەنابەرییێ بدەت،

٤-د هەڤپەیڤینێن دەستنیشانکری دا ئامادە بن

٥-هەگەر پرسیارێن وە هەبن ژ کەرەما رەوشا خو ب زەلالی شیرۆڤە بکەن.

هەگەر د دەمێ پێداچونا داواکارییا پەنابەرییا هەوە دا هین د گەل دایرا کۆچبەرێیێ هاریکار نەبن، د هەڤپەیڤینا دا ئمادە نەبن، بەرسڤا پرسیارێن هەڤپەیڤینێ نەدەن، زانیارئ و بەلگەنامەیێن خو پێشکێش نەکەن، بەلگەنامەیێن درست نەدەن، زانیارییێن نە درست یان ب ئاوایەکی دی داواکارییا خو پێخنە استەنگێ دا، چێدبیت دایرا کۆچبەرییێ د دەربارێ پێباوەرییا وە دا گومانێن ماقول هەبیت و بریارا نەدانا مافێ پەنابەرییێ بدەت. 

ئایا د دەمێ هەڤپەیڤینێ دا دێ وەرگێرەک (متەرجم) ئمادە بیت؟

هەگەر پێویست بیت، وەرگێرەک دێ ل هەمی هەڤپەیڤینان دا ئامادە بیت. د دەما هەڤپەیڤینێ دا:

. مسۆگەر بن کو هین وەرگێری باش تێدگەهن. هەگەر هین ل وەرگێری تێنەگەهن کارمەندێ هەڤپەیڤینێ ل وە دکەن ئاگاهدار بکەن.

. پێویستە وەرگێر تنێ تشتێن هین دبێژن وەرگێریت، بێ کو نێرینا خو یا کەسانە لێ زێدە بکەت.

ئایا د دەمێ هەڤپەیڤینێ داد ێ پارێزەرەک ئمادە بیت؟

د دەما هەڤپەیڤینێ دا، مافێ هەوە هەیە کو هین داخازا پارێزەرەکی بکەن کو ژ لایێ حکومەتێ ڤە هاتییە دەستنیشان کرن و بێ بەرامبەر ە. هەگەر هەوە بڤێت پارێزەر د هەڤپەیڤێنا هەوە دا ئامادەبیت، پێویستە هین کارمند یان پسپۆرێ هەڤپەیڤینێ ئاگاهدار بکەن. هەر وەسا هین teisines.paslaugos@migracija.gov.lt دێ شێن داخازنامەیەکا پێشوەخت فرێکەن بۆ

 و داخازا بەشداربونا پارێزەری بکەن.

 دەما هین ب رێکا هێلا ئەلەکترۆنیکی ڤێ داخازێ دکەن کۆدا خو یا (لتو) بنڤیسن دا کو هەوە بنییاسن. یان ژی هین دێ شێن داخازنامەیێ رادەستێ بەرپرس یان کارمنەدێ جهێ هین لێ دمینن بکەن.

‌تیما خاچا سۆر یا لیتوانیا ژی هەڤپەیڤینێن دادی یێن بێ بەرامبەر پێک تینن. پێزانینێن پەیوەندییێ د دوماهیکا ڤێ پرتوکۆکێدا هاتینە دییارکرن.

ل دیف داخازییا هەوە و شییانێن هەوە هین دێشێن پارێزەرەکی تایبەت بگرن. هەگەر هەوە بڤێت پارێزەرێ وە یێ تایبەت د هەڤپەیڤینێن هەوە دا ئامادەبیت، دایرا کۆچبەرییێ ئاگاهدار بکەن.

هەر چەندە پارێزەرەک د هەڤپەیڤیینێن هەوەدا ئامادەبیت، ئاامادەبونا هەوە و دانانا پێزانینێن راست ل سەر ئەگەرێن هەوە یێن پەنابەرییێ گرنگە.

ئایا د دەمێ دیفچونا داواکارییا من یا پەنابەرییێ دێ لێکۆلینێن زێدە بێهێنە کرن؟

هەگەر گومانەک ل سەر تەمەنێ هەوە یان تێکەلییا وە دگەل کەس و کارێن وە یێن هین دگەل هاتی هەبیت، دایرا کۆچبەرییێ دێ شێت تاقیکرنا تەمەنێ یان یا (دی ێن ئەی ) بکەت. ئەڤ تاقیکرن تنێ ب رازیبونا هەوە چێدبیت.

هەگەر داواکارییا وە یا پەنابەریییێ ژبەر توندوتیژی یاهین ل بەریدا تووش بونە، دایرا کۆچبەریییێ، برازیبونا وە، دێشێت تاقیکرنەکا پزشکی پێشنییار بکەت. ئەڤ تاقیکرنە گرنگە، ژبەرکو دێشێت نیشانێن تیوندوتیژینێ مسۆگەر بکەت. هەگەر دایرا کۆچبەریییێ پێشنییارا تاقیکرنێ نەکەت، لێ بەلێ هین باوەر دکەن کو ئەنجامێن تاقیکرنەیەکێ دێشێت داواکاریییا وە مسۆگەر بکەت، مافێ وە هەیە ل دیف شییانێت خو ڤێ تاقیکرنێ بکەن، و ئەنجامێن ڤێ ژی پێشکێشی دایرا کؤچبەرییێ بکەن.

کی و چاوا داواکاراییامن یا پەنابەرییێ دنرخینیت؟

نرخاندنا داواکاریییێن پەنابەرییێ د دەستێ دایرا کۆچبەرییێ دا یە. بەرێ کو بریارەک بێهێتە دان، لێپرسینەکا بەرفرە و سەربخو تێتە کرن. دڤي پێواژۆیێدا، دایرا کؤچبەرییێ دێ لێکۆلینەکێ لسەر پێزانینێت وە کەت، هەر وەسا پێزانینێت وە دای ژی دێ نرخینیت. پشتی بەرهەڤکرنا هەمی پێزانینێت پێویست، دایرا کؤچبەریییێ دێ رەوشا وە دگەل رێنمایێن پەنابەرییێ بەراورد کەت. و بریارەکا نیڤیسی دێ دەت. دەربارێ ڤێ بریارێ هین دێ پێ ئگاهداربن. د بریارێدا پێڤیستە ئگەرێن راستی و یاسایی بێهێنە دییارکرن، و هەر وەسا رێکا نەرازیبونێ ژێ پێڤیستە وە پێ ئاگاهدار بکەن.

بەرێ هەڤپەیڤینێ، د دەما هەڤپەیڤینێ و پشتی هەڤپەیڤینێ هین دێشێن بەلگەنامەدەلیلێن خو پێشکێش بکەن دا کو پشتگریییا داواکارییا وە یا پەنابەرییێ بکەت. ‌هین دێشێن بەلگەنامە و دەلیلێن خو ب رێکا ئەلەکترۆنیکی، ئیمەیلا خارێ،   بو دایرا کؤچبەرییێ رێکەن:

teisines.paslaugos@migracija.gov.lt

 دەما هین بەلگەنامەییێن خو رێدکەن، ژ کەرەما خو کۆدە خو یێ (لتو) بنڤیسن دا ناسینا وە سەناهیتر بیت.

ئایا چەند دەم دێ دەربازبیت هەتا داواکارییا من یا پەنابەرییێ بێهێتە شۆپاندن؟

داواکارییێن پەنابەریییێ ب دو جۆران تێنە شۆپاندن؛ پەڤاژۆیا گشتی و پێڤاژۆیا بلەز.

ل دیف پێڤاژۆیا بلەز، داواکاریییا پەنابەرییێ د ناڤ ١٠ رۆژاندا تێتە لێکۆلین کرن. و پێڤاژۆیا گشتی ژی هەتا ٦ هەیڤان تێتەتە ئەنجامدان، ژرۆا داواکارییێ. درەوشا شەر، ئوارەتەیی، یان رێڤەبەرییا کارەساتێ دا، دایرا کؤچبەرییێ هەول ددەت ب زووترین دەم بریارێن پەنابەرییێ بدەت.

د چ شەرت و مەرجاندا داواکارییا پەنابەرییێ دراوەستیت؟

دەما دیفچون ل سەر داواکارییا وە یا پەنابەرییێ تێتە کرن، پێڤیستە هین ل لیتوانیا بمنین. هەگەر د ڤێ دەمێ دا هین ژ لیتوانیا دەرکەڤن، یانژی ژ بەرهندەک ئەگەرێن دی دایرا کؤچبەرییێ د٧٥ دەمژمێراندا نەشییا پەیوەندییێ د گەل وە ب گرێدەت، هینگێ لێکۆلینا داواکارییا وە دێ هێتە راوەستاندین.

هەگرر د ڤێ دەمی دا هین ل هیڤیا بریارا دایرا کؤچبەرییێ نەمینین و ژ لتوانیا دەرکەڤن، و ل وەلاتەکی دی یێ ئەوروپا داوای پەنابەرییێ بکەن، ئەڤ وەلات، ب دیتنا شینێن تلیێین وە ل لیتوانیا، دێ شێت وە ڤەگەرینیت بو لیتوانیا، دا کو دیفچونا ل سەر داواکارییا وە بێهێتە ئەنجامدان.

ئەز دێ کەندگی و چاوا داواکارییا خو یا پەنابەرییێ ڤەکێشم؟

ئەگەر وە بریار دا کو هین ئێدی داوای پەنابەرییێ ل لیتوانیا نەکەن، هین دێ شیێن هەر گاڤەکی داواکارییا خو ڤەکێشین. ڤێ چەندێ ژی هین دێشین ب رێکا هنارتنا ئیمەیل بو دایرا کؤچبەرییێ بکەن:

info@migracija.gov.lt

 د وێ رەوشێدا، داواکارییا وە دێهێتە ڤەکشاندن و هین نەچارن بزڤرنە وەلاێ خو.

پشتی لێکۆلینا داواکارییا پەنابەری، دایرا کؤچبەرییێ دێ شێت چ بریار بدەت؟

لیتوانیا دو جۆرێن برایارا دئدەت: مافێ پەنابەرییێ و مافێ پاراستنێ.

مافێ پەنابەرییێ تیتە دان بو پەنابەرەی کو ژ بەر ترسا راستوخو ژ بەر  ئەگەرێن نژاد، ئایین، نەتەو، ئەندامەتییا کۆمەلەیەکا جیڤاکییا تایبەت، یانژی رامانا سییاسی، ل دەروەی وەلاتێ خو بیت و نەشێت بزڤریتە وەلاتێ خو، یانژی بترسیت کو داوای پاراستنێ ژ وەلاتێ خو بکەت، ئانکو خودان نەتەوا وەلاتەکی بییانی بیت ولدەروەی وی وەلاتی بیت و نەشێت یانژی ژ بەر ئەگەرێن ل ژۆرێ هاتینە دستنیشانکرن بترسیت بزڤریت.

مافێ پاراستنێ تێتە دان بو پەنابەرەکی کو ل دەروەی وەلاتێ خو یێ رەسەنە و نەشێت بزڤریت ژ بەر مەترسییا راستەوخو؛ ١-مەترسییا ئازاردان، کریارێن نەمروڤانە، بێ قیمەت کرن، ٢-مەترسییا سێدارەدان یانژی سزایا مرنێ، ٣-ژ بەر توندوتیژی دململانەیەکا چەکدای یا ناڤنەتەوی یان نەیەوەی، و د ئەنجاما ڤێ دا مەترسییا کەسانە ل سەر ژیان، تەندروستی، ئەولەهی یان ئازادییا وی/وێ هەبیت.

دایرا کؤچبەرییێ دێ شێت بریارا نەدانا مافێ پەنابەرییێ بدەت. د رەوشێن هوسادا، پێڤیستە بزڤرنە وەلاتێ خو. لێ بەلێ د هندەک رەوشا دا، هەگەر مافێ پەنابەرییێ نەهاتە دان، دایرا کؤچبەریێ دێشێت دەستورا نشتەجێبونا دەمکی ل لیتوانا بدەت کو نە گرێدایی دانانا پەنابەرییێ یە. ئەڤ بریارە تێتە دان دەما کو پەناخاز دگەل رێنمایێن پەنابەرییێ نەگونجیت، لێ زارۆکەکی بێکەسە و ناهێتە زڤراندن بو وەلاتێ رەسەن، ژبەر ئەگەرێن مرۆڤانی نەشێت ژ وەلاتێ لیتوانیا دەرکەڤیت (پەناخازی نەشێن ڤەگەرینین یانژی ژ لیتوانیا نەشێن بدەرێخن ژبەر ئگەرێن مرۆڤانی، بو نمونە؛ نەخوشی) ئانکو زڤراندنا وی/وێ ل دژێ رێنامایێن پەنابەرییێ یە، (بو نمونە، دایرا کؤچبەرییێ دییارکرییە کو ژییان یان ئازادییا کەسی دمەترسییێ دا یە یانژی مەترسییا ئازاردانێ ل سەر وی/وێ هەیە).

پشتی بریارا دانانا یانژێ نەدانا مافێ پەنابەرییێ، پێڤیستە هین ب زمانێ وە یێ رەسەن د دەربارێ ڤێ بریارێ بێهێنە ئاگاهدارکرن و نسخەیەکا بریارێ هەبیت. د ڤێ بریارێ دا پێڤیستە ئوگەرێن درست و یێن یاسایی بێهێنە دییارکرن و رێکێن نەرازیبونێ بو وە بێهێنە ئاشکرا کرن. 

‌هەگەر ئەز ژبریارا نەدانا مافێ پەنابەرییێ نەرازی بم دێشێم چ بکەم؟

هەگەر دایرا کؤچبەرییێ برایارا نەدانا مافێ پەنابەرییێ دا، هین دێشێن ل دژی ڤێ بریارێ نەرازیبونا خو دییار بەکەن. دەما هین ژ لایێ کارمەندەکی یان بەرپرسەکێ د دەربارێ ڤێ بریارێ هاتنە ئاگاهدارکرن، هەگەر ژ بریاری رازی نەبن، ژ کەرەما خو کارمەندی یان بەرپرسی د دەربارێ نەرازیبونا خو ئاگاهدار بکەن. هەر وەسا هین دێشێن داوای پارێزەرەکی بکەن، کو ژ لایێ حکومەتا لیتوانیا ڤە هاتییە دەستنیشان کرن. ئەڤ هاریکارییا بێ بەرامبەر تێتە ڤێ واتەیێ کو پارێزەر دێ گازندا وە گەهینتە دادگەهێ، و دێ دانشتنێ دا ئامادە بیت. هەر وەسا هین دێشێن ل دیف شییانێت خو بو خو پارێزەرەکی بگرن کا ل دایرا کؤچبەرییێ دا نوونەراتییا وە بکەت. د ڤێ رەوشێ دا هین نەشێن مفایێ ژ پارێزەرێ حکومی وەربگرن.

هەگەر رەوشا شەری، رەوشا ئاوارتە، ئانکو رەوشا کارەساتێ هاتە راگەه هاندن، نەرازی بونا بریارا دایرا کؤچبەرییێ پێڤیستە دناڤبەرا ٧ رۆژا دا بو دادگەها ئیداری یا هەرێمێ بێهیێتە رێکرن. ژ بەرکو دۆزێن پەنابەرییێ ل دادگەهێ ب گوفتگو تێتە کرکن، وە دێ دەرفەتا رونشتنێ ل دادگەهێ هەبیت کو هین بشێن هەستێن خو دەربرینن. دادگەه دێشێت بریارێ بدەت کو داواکاریییا وە جارەکا دی بو دایرا کؤچبەرییێ بزڤرینیت یانژی بەرەواژییا ڤێ بریار بدەت.

هەگەر دادگەهێ نەرازیبونا وە نە پەسەند نەکر، هین دێشێن پارێزەرێ نوونەراتییا وە دکەت ژ نەرازیبونا خو ئاگاهدار بکەن دا کو هین بشێن مفایێ ژ هاریکارییا وی وەربگرن. هەر وەسا هین دێشێن ڤێ چەندێ ب رێکا ئە لەکترۆنیکی بکەن:

teisines.paslaugos@migracija.gov.lt

 (دەما هین بێ رێکا ئەلەکترۆنیکی دکەن، ژ کەرەما خو کۆدە خو یێ (لتو) بنڤیسن دا کو نیاسینا وە سەناهیتر بیت). بو ڤێ چەندێ ژی هین دێشێن پارێزەرەکێ تایبەت بو خو بگرن. نەرازیبونا بریارێ پێڤیستە د ناڤبەرا ١٤ رۆژاندا بو دادگەها بلدن یا ئیداری یا لیتوانیا بێهێتە کرن. دادگەه دێشێت نەرازیبونا وە پەسەند بکەت و بەرەواژی ژی بریار بدەت. هەگەر نەرازیبونا وە چ بنەمایەک نەبیت، ئەڤ بریارە دێ دوماهیک بریار بیت و نەرازیبون ل دژی ڤێ ناهێتە کرن. د وێ دەم، پیێڤیستە هین بزڤرنە وەلاتێ خو.

دادگەها ئیداری یا هەرێمێ پێڤیستە د ناڤبەرا ٢ مەهاندا، ژ رۆژا وەرگرتنا نەرازیبونێ، گوهدارییا نەرازیبونا وە بکەت و بریارێ بدەت. دادگەها بلندا ئیداری یا لیتوانیا پێڤیستە د ناڤبەرا مەهەکێدا بریار بدەت.

هەگەر مافێ بکارێنانا خزمەتگوزارییا یاسایی یا بێبەرامبەر بو وە هاتە دان، مافێ پارێزەری ژ لایێ حکومەتێ ڤە، پێڤیست ناکەت پار (دراڤ) بدەیە وی/وێ پارێزەری. هەر کارەکێ تە دێ بێ بەرمابەر مشینیت و داوای پارە ژ تە ناکەت. هەگەر پارێزەرێ ژلایێ حکومەتێ ڤە بو وە هاتییە دەسنتیشانکری داوای پارە ژ وە بکەت، دایرا کؤچبەرێ ب رێکا ئیمەیلا خارێ ئاگاهدار بکەن:

pranesk@migracija.gov.lt

ب چ شەرت و مەرجان دا ئازادییا من یا هاتوچونێ تێتە ئاستەنگ کرن؟

هەگەر رەوشا شەری، رەوشا ئاوارتە، رەوشا کارەساتێ هاتە راگەهاندن، داواکارییێن پەناخازییێ ب زوترن دەم تێنە لێکۆلین کرن. و ئازادییا هاتوچونێ تێتە ئاستەنگ کرن. ئەڤ ئاستەنگکرنە، د خالا ١٤٠٨ یا قانونا رەوشا یاسایی یا بییانییا هاتییە دەستنیشان کرن. ئەڤ چەندە ژ رۆژا تۆمارکرنا ل سیستەما ئاگاهدارییا کؤچبەرییێ بو هەتا ٦ مەهان تێتە بریاردان. پەناخاز، ل خالێن سنوری، خالێن چاڤدێرییا سنوری، یان ل ناڤەندێن خزمەتگوزارییا سنوری تێنە دابین کرن و مافێ وان یێ هاتوچونێ تێنە سنورکرن.

پشتی ٦ مەهان، دایرا کؤچبەرییێ یانژی دایرا پاراستنا سنوری دی رەوشا وە نرخینت دا کو دییار بکەت کا ئەگەرێن وە یێن رەڤینێ هەنە یان نە، دێشێت بریارێ بدەت کو وە ل جهێ هین لێ هاتینە دابن کرن هەتا ٦ مەهێن دی هاتوچونا وە سنوردار بکەت.

رەوشێن ل خارێ کارتێکرنا خو ل سەر ڤێ بریارێ هەنە:

- ئایا بەلگەنامەیێن وە یێن ناسنامەییێ هەنە، ئایا هین ددەما دیفچونا دییارکرنا ناسنامەیا وە هاریکارن یان نە

- ئایا هین ل دئف بریارا دادگەهێ رێکەکا دی یا دابنکرنێ بکارینن یان نە

- ئایا وە پێگری ب بریارا هاتوچونێ کریییە

- ئایا ل دەما دەرباسبیونا سنوری ب ریکا نە قانونی وە داوای پەنابەرییێ کرییە، دا کو هین ل دۆزا تاوانبارییێ بەرپرسیار نەبن

- ئایا هین مەترسییێ بو ئەڤلەهییا جڤاکی چێدکەن یان نە

-بەرچاڤگرتنا رەوشا وە د دەمێ دیفچونا داواکارییا وە یا پەنابەرییێ، هاریکاربیونا وە د گەل کارمەند و بەرپرسان،

-دەما دیفچونا داواکاریییا وە یا پەنابەرییێ هین ل لیتوانیا نەمانە یان وە هەولا رەڤینێ کرییە

هەگەر ناڤەندا هین لێ دمینن خزمەتگوزارییا پزشکی، جڤاکی، پەروەردەیی، خارن یان پێداویستییێن دی جێبەێ نەکەت، یانژی پشتگرییا دەروونی نەکەت، ب دەستورا ناڤەندێ، بو وەرگرتنا وان خزمەتگوزارییان هین دێشێن ژ ناڤەندێ دەرکەڤن ئەڤ ژی ب شەرتێ کاتی بیت.

هەگەر ئەز ژ بریارا سنورکرنا هاتوچونێ رازی نەبم، دێشێم چ بکەم؟

د دەما بریارا سنورکرنا هاتوچونا کەسەکێ ژ لایێ دایرا کؤچبەرییێ یان ژی خزمەتگوزارییا پاراستنا سنوری هاتە دان، نەرازیبونا دژی ڤێ بریارێ پێڤیستە د ناڤبەرا ١٤ رۆاندا بێهێە کرن. دەما هین نەرازیبونا ڤێ بریارێ دکەن، مافێ وە یێ هاریکارییا قانونی یا بێبەرامبەر هەیە. نەرازیبونا وە  ئاراستەی دادگەها بلند یا ئیداری یا لیتوانیا دبیت. و دادگەه، ژ رۆژا وەرگرتنا نەرازیبونا وە د ناڤبەرا ١٠ رۆژاندا بریارێ ددەت.

د چ شەرت و مەرجاندا دێشێن من بنچاڤ بەکن؟

دادگەه دێشێت بریارا بنچاڤکرنا وە بدەت ژ بەر:

-دەستنێشانکرنا ناسنامە و نەتەوا وە

-دەرباسبونا وە ژ سنورێن لیتوانا ب رێکا نەقانونی

-رەوشا وە د گەل گونجاندنا رێنماێن پەنابەرییێ

-دانا بریارا زڤراندنا وە بو وەلاتێ وە و وە دوبارە داواکارییا پەنابەرییێ کر

-ڤەگوهاستنا وە بو وەلاتەکێ دێ یێ ئەوروپا، کو بەرپرسیارێ داواکاریییا وە یا پەنابەرییێ یە

-مەترسییا هەبونا وە بو ئارامییا جڤاکا لیتوانیا

رێکێن جودا ێن بنچاڤکرنێ ژ لایێ دادگەهێ ل سەر مەرجێن خارێ تێنە بەرچاڤگرتن:

-سەرەدانەکا دەروەی بو دایرا کؤچبەرییێ یادەستنیشانکری یان ژی خزنمەتگوزارییا پاراستنا سنوری

- ئاگاهدارکرنا دایرا کۆچبەرییێ یان ژی خزمەتگوزارییا پاراستنا سنوری، ل دیف پێویستیتان، ب رێکا راگەهاندنێ د دەمێ دەسنیشانکری

-سپاردنا چاڤدەرییێ ژ هەموەلاتییەکێ لیتوانی یان ژی بییانییەک کو ل لیتوانیا ب رێکەکا قانونی دژیت، هەگەر ئەڤ کەس بەرپرسیارییان چاڤدێرییا وە بکەت یان وە بپارێزێت

-دابینکرنا ل ناڤەندێ بێ سنورکرنا هاتووچونێ

-دابینکرنا ل ناڤەندێ تنێ ب مافێ هاتوچونێ ل دەڤەرا ناڤەندێ

هەگەر وە بڤێت رێکێن دی یێن بنچڤاکرنێ بکاربینن، کو بشێن ب سەربەخۆیی بژین، پێڤیستە بەلگەنامەیا دییاربکەن کو دبنە دەلیلێ ڤێ چەندێ کو جهێ وە یێ مانێ هەیە، هین دێشێن خو بپارێزن، و پێگری ل قانونان بکەن.

هەتا کەنگی دێ شێن من بنچاڤ بکەن؟

بریارا بنچاڤکرنێ یان ژی دییارکرنا رێکێن جودا یێن بنچاڤکرنێ ژ لایێ دادگەهێ تێتە دان. د هەر دو رەوشا دا بنچاڤکرن هەتا ٦ بەردەوام دبیت. ل دوماهیکا ڤێ دەمێ، دادگەه ئەگەرێن بنچاڤکرنێ دێ نرخینیت. دادگەه دێ شێت هەتا ٦ مەها ڤێ دەمێ زێدە بکەت. هەگەر مافێ پەنابەرییێ بو وە نەهاتە دان و بریارا زڤراندنا وە هاتە دان، دادگەه دێشێت وە هەتا ١٨ مەهان بنچاڤ بکەت.

ئایا ئەز دێشێم دژی بریارا بنچاڤکرنا من نەرازیبونا خو دییاربکەم؟

هین دێ شێن نەرازیبونا خو ل دژی بریارا بنچاڤکرنا وە ئاراستەی دادگەها بلندا ئیداری یا لیتوانیا بەکەن. دادگەه، د ناڤبەرا ١٠ رۆژان دا دیفچونێ دکەت و بریارێ ددەت.

هەگەر هین هاتبینە بنچاڤکرن و دەمێ بنچاڤکرنا وە یان ژی ئەگەرێن بنچاڤکرنا وا ب دوماهیک هاتبیت، هین دێشێن داخازییێ ژ دادگەهێ بکەن دا کو بریارا بانچاڤکرنا وە بنرخینیت. دەما داواکارییا وە بو دادگەهێ، مافێ وە هەیە هین داوای هاریکارییا قانونی یا بێ بەرامبەر بکەن.

د دەما دیفچونا داواکاریییا من یا پەنابەرییێ چ مافێن من هەنە؟

وەکی پەناخازەک ل لیتوانیا وە مافێن ل خارێ دا هەنە:

-مفا وەرگرتنا هاریکارییێن ماددی (جه، خارن، جل و بەرگ) ل دەما دابنکرنا ل جهێن نشتەجیبونێ یێن ژ لایێ کۆمارا لیتوانیا ڤە هاتینە دەستنیشانکرن، ل جهێن بنچاڤکرنێ و خالێن چاڤدێرییا سنوری

-وەرگرتنا زانیارییێن بێ بەرامبەر و ئەنجامنێن پابەندبونا وان د دەمێ دیفچونا داواکاریییا پەنابەرییێ، و هەر وەسا هەر ئاگاهدارییەکا گرێدایی ب داواکارییا وە

-فەرمیکرن و برێڤەبرنا هەر بەلگەنامەیەکا وە کو گرێدای داواکاریییا وە یە

-سوودوەرگرتنا هاریکارییا قانونی کو ژ لایێ حکومەتێ ڤە هاتییە دەستنیشان کرن

-سوودمەندی ژ ڤەگوهاستنێن گشتی بو کاروبارێن دیفچونا داواکارییا وە

-بکار ئینانا خزنەتگوزارییێن وەرگيێری (مترجم)

-چاڤديرییێن پزشکی، دەروونی و جڤاکی ل ناڤەندێن تۆمارکرنا بییانییان و ناڤەندێن پێشوازییا بییانییان

-پەیوەندی دانانا دام و دەزگایێن نێودەولەتی، وەکی دەزگایێ بلند یا پەنابەران یا نەتەوێن یێکگرتی، کو ب کارێن پەنابەران رادبن، د گەل شێورمەندێن قانونی و پسپۆرێن پەنابەرییێ

-پشتی دییارکرنا بارێ تایبەتی یێ کەسی وەک لاواز ئانکو پێویستیتا هاریکارییا تایبەت، وەرگتنا مفایێ ژ خزمەتگوزارییێن کو ژ لایێ ناڤەندان هاتینە دییارکرن

-مافێ پەروەردەیا زارۆکان ل قوتابخانان، و مافێ پەروەردەیا پیشەیی، نە ژ زێدەتر ٣ مەهان پێڤیستە داخازنامەیەک بێهێتە پێشکێش کرن

-مافێ کارکرنێ؛ هەگەر دایرا کۆچبەرییێ د ناڤ ٦ مەهاندا، ژ رۆژا داواکرییێ، چ بریارەک ل سەر داواکاریییا پەنابەرییێ نەدابیت، بێ کو ژ دەستێ پەناخازی دا بیت،

هەگەر رەوشا شەری، رەوشا ئاوارتەی، یان بڕیڤەبرنا کارەساتێ هاتبیتە راگەهاندین، چێدبیت ئەڤ مافێن پەناخازان یێن ل ژۆرێ باس لێ هاتینە کرن، نەهێنە مسۆگەرکرن یان ژی ب رێژەیەکی بێهێنە سینۆردارکرن. ب هەر رەوشەکێ دا، پێڤیستە مافێن پەناخازان یێن ماددی، پزشکی، هاریکارییا قانونی، بێهێنە جێبەجێ کرن. و کەسێن لاواز ئانکو پێڤیستێ هاریکارییا تایبەت هەین، پێڤیستیێت وان لازمە بێهێنە ئەنجام دان.

د پێواژۆیا دیفچونا داواکارییا من یا پەنابەرییێ چ ئەرکێن من هەنە؟

وەکی پەناخازەک، ئەرکێن تە:

-پابەندبون د گەل دستورێ و یاسا و کارێن دێ یێن یاسایی یێن کۆمارا لیتوانیا،

-جێبەجێکرنا ئەرکێن کو ژ لایێ دایرا کؤچبەرییێ ڤە هاتینە دەستنیشان کرن،

-دەستروردانا تاقیکرنا پزشکی،

-رادەستکرنا هەمو بەلگەنامەیێن بەردەست، راڤەکرنا ئەگەرێن درست یێن پەنابەریییێ، دییارکرنا ناسنەمیا درست، شەرت و مەرجێن (رێکێن) هاتنا لیتوانیا، هاریکار بون د گەل کاربدەستێن گشتی یێن رایەدارێن دەستهەلات،

-د دەما هەڤپەیڤینا وە یا داواکارییا پەنابەرییێ، و د دەما دیفچونا داواکارییا وە، ئاشکرا کرنا پارێ (دراڤێ) وە ب شیوەیەکی نوسراو،

- ئاگاهدارکرنا دایرا کؤچبەرییێ د دەربارێ ناڤنیشانێ وە، هەگەر دایرا کۆچبەرییێ دەستورا مانا ژ دەروەی ناڤەندان بدەتە وە،

-نەدەرکەڤتن ژ وەلاتێ لیتوانیا هەتا ئەنجاما داواکارییا وە نەهێتە دان.

زانیاریە گرنگەکانی پەیوەندی:

نووسینگەی کۆمیسیۆنەری باڵای نەتەوە یەکگرتووەکان بۆ پەنابەران (UNHCR) لە لیتوانیا

A. Jakšto g. 12, 01105 Vilnius

تەلەفۆن: 7416 210 5 370+

ئیمەیل: swestprotection@unhcr.org

http://www.unhcr.se/lt/home.html

نووسینگەی کۆمیسیۆنەری باڵای نەتەوە یەکگرتووەکان بۆ پەنابەران،

 لەبارەی پرۆسەی پەنابەری زانیاری و ئامۆژگاری دەدات بە پەناخوازان و پەنادراوان لە لیتوانیا و هەروەها ئەو یارمەتیانەی کە هەن دابین دەکات.

نووسینگەی ڕێکخراوی کۆچبەریی جیهانی (IOM) لە Vilnius

A. Jakšto g. 12, 01105 Vilnius

تەلەفۆن: 0115 261 5 370+

ئیمەیل: iomvilnius@iom.lt

http://www.iom.lt

ڕێکخراوی کۆچبەریی جیهانی یارمەتی ئەو کەسانە دەدات کە بە خواستی خۆیان دەگەڕێنەوە و ئەم یارمەتیانه به پێی پێداویستیەکانی ئەو کەسە دابین دەکرێن و سەلامەت گەڕانەوەی دەستەبەر دەکەن. هەوەها ڕێکخراوی کۆچبەریی جیهانی یارمەتیی دووبارە دامەزرانەوە دابین دەکات بۆ ئەو کەسانە کە پێویستیان بە یارمەتیە بۆ ئەوەی لە وڵاتی ئەسڵیی خۆیان جێگیر ببنەوە..

کۆمەڵەی خاچی سووری لیوانیا

A. Juozapavičiaus g. 10A, 09311 Vilnius,

تەلەفۆن: 7322 5212 370+

ئیمەیل: legal@redcross.lt

http://www.redcross.lt

کۆمەڵەی خاچی سووری لیوانیا یارمەتیی یاسایی و مرۆیی دابین دەکات و هەروەها یارمەتی دەدات بۆ دۆزینەوەی ئەندامانی خێزان و خزم و کەس.

ڕێکخراوی خێرخوازیی Vilnius Archdiocese

Kalvarijų g. 39, Vilnius

تەلەفۆن: 225 24 673 370+

ئیمەیل: kulturunamai@vilnius.caritas.lt

http://www.vilnius.caritas.lt

فەرمانگەی کۆچبەری

L. Sapiegos g. 1, 10312 Vilnius,

تەلەفۆن: 7112 271 5 370+ 8 707 67000 or

ئیمەیل: info@migracija.gov.lt

http://www.migracija.lt

ناوەندی تۆمارکردنی کەسانی بیانی لە Pabradė

Vilniaus g. 100, 18177 Pabradė، ناوچەی Švenčionys

تەلەفۆن: 401 53 387 370+

ئیمەیل: urc.sekretore@vsat.vrm.lt

ناوەندی تۆمارکردنی کەسانی بیانی لە Medininkai

Pasieniečių g. 11، Medininkų kaimas, Vilniaus rajonas

تەلەفۆن: +370 687 58406 ،+370 646 64688

ئیمەیل: v03358@vsat.vrm.lt

ناوەندی تۆمارکردنی کەسانی بیانی لە Kybartai

J. Biliūno g. 14B, Kybartai, Vilkaviškio rajonas

تەلەفۆن:  +370 695 60409 ، +370 646 64621

ئیمەیل: kybartu.urc.budetojas@vsat.vrm.lt

ناوەندی وەرگرتنی پەنادراوان لە Rukla

Karaliaus Mindaugo g. 18, 55283 Rukla, Jonava district

تەلەفۆن: 3377 497 3 370+ ، 48776 698 370+

ئیمەیل: centras@rppc.lt

http://www.rppc.lt

ناوەندی وەرگرتنی پەنادراوان لە Naujininkai

A. Jaroševičiaus str. 10B, Vilnius

تەلەفۆن:  +370 679 41315،+370 672 14051

ئیمەیل: naujininkai@rppc.lt

یارمەتیی یاسایی دەستەبەرکراو لەلایەن دەوڵەتەوە

ئیمەیل: teisines.paslaugos@migracija.gov.lt

ئەم پرتوکۆکە زانیاری تێداهەیە دەربارەی پرۆسەی داواکارییا پەنابەرییێ، ماف و ئەرکێن سەرەکییێن پەناخوازان، و پاشهاتەکانی پابەندنەبوونی پەناخواز بەم ئەرکانە. مەبەست لە ئامادەکردنی ئەم کتێبۆکە تەنیا دابینکردنی زانیاریه، و ئەم کتێبۆکە نابێتە هۆی درووستبوون یان لێکەوتنەوەی هیچ مافێک یان ئەرکێکی یاسایی. ئەگەر پێویستت بە ڕوونکردنەوەی زیاتری زانیاریەکانی ناو ئەم کتێبۆکەیە یان دەتەوێ لەبارەی هەڵسەنگاندنی داواکاریەکەت زیاتر بزانیت، تکایە پەیوەندی بکە بە فەرمانگەی کۆچبەری. هەروەها، بۆ ئامۆژگاری زیاتر دەتوانیت له ڕێگەی ئیمەیلی legal@redcross.lt یان ژمارە تەلەفۆنی 7322 212 5 370+ پەیوەندی بکەی بە تیمی یاسایی خاچی سووری لیتوانیاوە.